Ganito
Natin Sila Gagawing Pulutan
ni Jun Lisondra
Ganito nila
tayo tinitignan,
Mga kamanlilikha ng talinghaga.
Pulutan sa inuman
Na itinutulak ng bawat lagok ng alak,
Papuntang bituka
Palabas ng tumbong.
Sa pagkukunwaring
Pag narinig nila tayong tumutula,
Ay inaaruga na rin nila ang buhay nating
Inukit sa sugat.
Kakatwa tayo
sa kanilang paningin ---
Wirdo, praning, flip, sira ulo, topak, buwang.
At higit sa lahat,
bastos.
Bastos tayo
kung tawagin nila dahil inaawit
Natin nang harapan ang mga katagang
Ipinagsisigawan nila nang talikuran ---
Fuck, dick, cunt, bullshit.
Kaya nang hindi
sila masaktan,
Hindi natin babanggitin sa kanila
Ang mga regla at uwang sa gitna ni Mabanglo,
Gayon din ang mapagkunwaring
Pakikipagdyugdyugan kay Bautista.
Mas lalong higit na di natin babanggitin
Sa kanila ang mga nag-aapoy na bulbol
Ni Almario.
Sa halip,
Tutula tayo sa kanila
ng mga pagyayabang
ng mga sinaunang taga-is-is ng puwet ng kaldero.
Sasabihin natin sa kanila ang talinghaga
Ng mga patay. Kaya tutulaan natin sila ng tungkol
Sa pag-irog,
Ng tungkol sa mahinhing pagpigtas sa mga talulot ng rosas ---
Mahal kita,
Hindi kita mahal,
Mahal kita,
Hindi kita mahal ---
Ng tungkol sa pagyayakapan sa bukang-liwayway,
Ng tungkol sa pakikipagkaladyaan sa mga batis, pilapil at parang,
Ng tungkol sa mainit at malagkit na pakikipagsumpaan
Matapos makipagkangkangan sa minamahal
Na pagdadamutan ng kumot at unan.
Ganito natin sila gagawing pulutan,
Tuwing tayo'y kanilang pinagkakatuwaan.
Feb 10, 2000
===========
Si
Jun, 26, ay isang researcher sa OPI
