Hindi
na ako mag-aalay ng tula sa iyo
ni Jun Lisondra
mahal,
hindi
na ako mag-aalay ng tula sa iyo,
kung
sa bawat talinghagang iaanak ng aking mga titig
ay
may dilim na sasalubong,
may mga matang pipikit.
hindi
ako hihiling ng yakap ng Katanghalian.
masaya
na ako sa silahis
na
ipagbubuntis ng iyong mga mata.
masaya
na ako sa isang saglit na pagmulat mo,
kung
sa isang saglit na iyon
ay
bubulwak sa iyong panandaliang pansin
ang
mga patak ng kamalayang
magtataboy
ng uhaw sa aking mga anak,
sa aking mga talinghaga.
magkakasya
na ako doon.
dahil
ano pa ang silbi ng pagpapatalas-talim
ng
aking diwa, kung sa bawat kamangmangan
na
kinikitil nito'y patuloy
kang nakatalikod,
nakapikit,
nagsusumiksik sa likod
ng iyong mga malamig na balintataw?
mas
nanaisin ko pang mag-alay ng talinghaga
sa
mga pusali't putikan,
sa
mga estero't lansangan,
dahil
kahit maghapon at magdamag ko silang tulaan,
hinding-hindi
nila ako pipikitan.
hinding-hindi,
mahal.
