September 28, 2005 | Editoryal

Ang Nais Mabatid ng mga Kabataan

Itong ating bayang Pilipinas, na dating pinamamahalaan ng mga mananakop, ay hitik ang kasaysayan sa mga kuwento ng pagsalunga at pakikibaka. Noo’y nilabanan ng mararahas na mga anak ng bayan ang mga Kastila, Amerikano at Hapones na nang-alipin sa atin. Gayundin, ilang dekada na ang nakalilipas nang ang mga mamamayan ay mag-alsa at sipain palabas ng Palasyo ng Malakanyang ang isang diktador. Karamihan sa ating mga kabataan ngayon ay paslit pa lamang noong maganap ito. Ngunit ilang taon pa lamang ang nakalilipas, tayo man ay nakibahagi sa isang pag-aalsang muling nagpatalsik ng isang perwisyong Pangulo.

Nasaksihan at sinalubong natin ng pagbubunyi ang pagluklok ni Gloria Macapagal-Arroyo sa Palasyo. Sa noo’y matamis niyang dila ay nangako siyang lalabanan ang kahirapan, iaangat ang pamantayang moral sa pamahalaan, itataguyod ang bagong politika, at magiging isang mabuting modelo ng malinis na pamamahala.

Mahigit limang taon na mula nang ito ay mangyari. Ngunit ano ang kinahinatnan ng pamamahala ni Ginang Arroyo? Lalong nagutom ang mga Pilipino, nangibabaw ang mga trapo, at nagsunud-sunod ang mga paratang ng katiwalian sa Unang Pamilya.

Sa lahat ng ito, may nakikita ba tayong pagtupad sa mga pangako? Wala, kundi pawang kataksilan. Sa halip na ipinagakong kagalingan, binaha tayo ng mga kasinungalingan at pagbaluktot sa ating mga pagpapahalaga.

At kung tayo’y mangahas na ipahayag sa mga lansangan ang ating pagnanais na mabatid ang katotohanan sa likod ng mga kontrobersiyang gaya ng “Hello Garci”, ang nagiging kasagutan ay kamay na bakal. Ang bawat isang himutok na ating ilabas ay itinuturing napakalaking kasalanan at agad tinatapatan ng mala-hayop na kabangisan. Ngayong unti-unting inaalis ang ating karapatan, ngayong pilit na tinatakpan ang katotohanang nais mabatid ng mga kabataan, ano ang dapat nating gawin?

Ang liwanag ng araw na sumisikat sa Silangan ay nagtuturo sa atin ng makatarungang landas na dapat nating tahakin. Itinuturo ng katuwiran na magkaisa sa paghahanap ng lunas sa naghaharing kasamaan sa ating bayan.

Panahon na ngayong dapat na lumitaw ang liwanag ng katotohanan; panahon nang ipakita na tayo’y may hiya, puri at pakikisangkot. Panahon nang muling isiwalat at balikan ang tila nakalimutan nang mga dakilang aral ng mga nakalipas na pag-aalsa. Dapat nang kumilos tungo sa katotohanan, katarungan, at kalayaan.

Muli nating gisingin ang tila natutulog na kaisipan at kusang gugulin ang ating lakas sa pagsusulong ng tunay na ikabubuti ng ating bayan. Lumabas tayo at makisangkot.

Subscribe to Tinig.com by entering your email address:

Delivered by FeedBurner



16 comments
Leave a comment »

  1. kaye ann roces Nov 7, 2005 10:16 am :

    sinasabing kabataan ang pag-asa ng bayan na ang kabataan ang magsasalba sa bayan subalit parang bumabaliktad ang mundo. tila baga maraming mga kabataan ang patuloy na gumagawa ng mga bagay na magpapahirap sa ating bayan subalit hindi dapat panghinaan ng loob. sana sa pamamagitan ng mga boses ng kabataan ay magbigay-daan sa kaliwanagan at kapayapaan.

  2. alyssa Aug 12, 2007 7:01 am :

    ewan ko ba??!!! basta ang alam ko kami bilang kabataan ay malaki ang maiitulong..
    kahit ganito lang kami..
    sana malaman nila un….

  3. winnie Sep 3, 2007 10:53 am :

    hiiiiiiiiiii pwede po ba akong makahingi ng isang talumpati na isang mahaban talumpati tungkol sa kabataan!!!!!!!! sana po mabigyan nyo po ako ng isang talumpati SALAMAT!!!!!!!!!!
    YONG TALUMPTI AY GAGAMITIN KO PO SA GAGAWIN NAMIN SA PAARALAN!!!!!!!!!!!!!

  4. silly_boy Sep 20, 2007 4:28 pm :

    pwede po bang gamitin ang talumpating ito sa aming school salamat poh

  5. GANDA Sep 22, 2007 12:27 pm :

    YAHHH.YOUR RYT…AS FAR AS I KNOW PO IS WE,,THE KABATAANN’S IS A BIG HELP TO OUR COUNTRY SO OTHERS SHOULD DO THEIR PART….

  6. may ann Sep 23, 2007 5:40 pm :

    ano ba naman ang mga Pilipino??>..kung titingnan niyo lang hindi iyong mga masamang nagawa ng ating administrasyon,mapapansin niyo na higit na may mga bagay,magagandang bagay na naidulot sa atin ang administrasyon ng pangulong GMA..//..be fair sa mga bagay-bagay,wag laging nakapikit ang mata niyo sa isa samantalang binabantayan niyo agn isa pa…kahit hindi ko ganap na nararamdaman ang kasaganaan na dapat na maidulot sa atin ng ating kasalukuyang pamahalaan,tinitingnan kong mabuti ang mga bagay na hindi nangyari noon sa mga nakaraang administrasyon… think of it…be fair…everything has two sides…

  7. jade d. edillon Sep 24, 2007 11:31 pm :

    Hello po!pwede po kaya me makisuyo sa inyo kasi sa oct 8 po may skul contest ang mga bata tungkol po sa oratorikal.Makikisuyo po sana ako if k lang po na pakigawa po ng orihinal na komposition tungkol sa Kabataang Pinoy :Iba tayo ngaun sana po mapagbigyan po ninyo ang munting hiling na ito. maraming salamat po email nalang po ninyo . e2 po email ko judyedillon_29.
    Tnx

  8. graze reyes Sep 27, 2007 5:28 pm :

    Nakakalungkot mang isipin pero ayon na rin sa akin nakikita at naririnig ay totoo ang inyong mga sinabi!pano babangon ang ating bansa kung ang mismong namumuno dito ay walang isang salita. mamatay na lang ba tayo na walang ibang naririnig kundi ang walang katapusan pangako na naging isa nang kasinunggalingan dahil kahit kailan ay hindi na ito naging totoo!
    hindi makakapayag ang mga kabataan tulad ko na ulit-ulitin na lng ng mna nasa posisyon ang mga masamang gawain at pananamantala..kailan babangon ang pilipinas?kailan tayo kikilos para sa atin inang bayan?hahayaan na lang ba natin ang mga nangyayari?papanoorin n lang b natin ang patuloy na pagbagsak ng ating bayan?

  9. leslie may Oct 1, 2007 7:02 pm :

    kailangang magsikap tayong lahat para sa kaunlaran ng ating bansa!

  10. dhadha Oct 2, 2007 4:26 pm :

    dhil sa malawak at curiousity ng kabataan,,marami taung natututunan….
    ang bawat karapatan ay my katumbas na responsibilidad..

  11. emilly Nov 8, 2007 6:39 pm :

    sana naman me0n tungkol sa kabataan at sa dr0ga!!!!pLs.,.,.,

  12. Leih Jan 5, 2008 7:23 am :

    hello po.!! pwede po bang makahingi ng mahabang talumpati tungkol sa kabataan? pls naman po, gagamitin ko po kasi ito sa paaralan namin.. proyekto po namin.. hMm..

  13. iriszch_22 Jan 17, 2008 11:31 pm :

    hello poh… laking tulong ng talumpating ito sa proj. ko! tnx again..!

  14. jojo Jan 27, 2008 5:39 pm :

    halu poh..
    pede po bang kopyahin ang talumpating ito…
    proyekto lang po namin sa filipino…
    hehhehhe

    maraming salamat poh…

    MABUHAY ANG KABATAANG PILIPINO!!!

  15. sherilyn Mar 3, 2008 3:38 pm :

    magsikap tayong lahat para sa kaunlaran ng ating bansa…..ika nga mga kabataan ang siyang pag-asa ng bayan

  16. miran Sep 30, 2008 8:33 pm :

    kabataan nga nmn………
    kami pa rin ang pag asa ng bayan………..

Leave Comment