Sa Opisina

10:15 AM
At my desk

Ang puwit ko’y hindi kanto ng mesa
na lagi n’yo na lang sinasagi at binabangga
Hindi mousepad ang balikat ko’t braso
na sinasalat, hinihimas ng palad n’yo
Hindi rin memo o itinerary ang hita ko
na tinititigan at pinag-aaralan n’yo
Lalong hindi armrest ng swivel chair ang utong ko
na dinudunggol niyang malikot ninyong siko
Huwag n’yo naman akong daanin sa pa-dinner-dinner
na ang laging kabuntot ay let’s go somewhere

Sir,
Babae po ako. Katulad din NG INA MO (!)