Karimlan ang tawag
sa kariton na nakahimpil sa sulok ng bangketa–

inaring kanlungan
ng limang-taong-gulang na kamusmusan;

sa tutop-sikmura,
naaanggihan niyang pagdakip sa tulog

sa gitna ng ungol, lumbay na hele,
umid na ihip ng kawalang-katiyakan.

Karimlan ang tawag
sa ikinukumot niyang pusikit at malawak na dilim–

na mabilisang hinihiwa
ng liwanag galing sa lumilikong mga sasakyan.

Oliver Carlos

Si Oliver ay kasapi ng Dekada80 Movement (UE Chapter), isang organisasyon ng mga aktibista ng Dekada 80 na naglalayong kabigin at muling ipaloob sa Pambansa Demokratikong pakikibaka ang mga dating aktibista...

Join the Conversation

2 Comments

  1. sa tuwing nakakakita ako ng mga batang lansangan, di ko maiwasang murahin ang gobyernong ito. dapat wala sila sa lansangan e. dapat may kinabukasan sila e. dapat. dapat.

  2. Kahabagan sila ng Diyos! Silang nagpapatawag na Ina ng bayang ito. Silang ang nagsisinukal sa kanilang mga dibdib ay hindi gatas. . . kundi apdong tigib ng pait!

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.