Paalam sa iyo, oh mahal kong tatay,
Sa iyong pagpanaw sa mundong ibabaw.
Masakit man sa ‘min ang iyong paglisan,
Aming tinatanggap, iyong kapalaran.
Sa iyong paglayo, kami ay luhaan,
Ang aming nadama, pawang kalungkutan,
Ikaw ma’y nawala, di kalilimutan,
Kaylanman ang iyong mga kabutihan.
Salamat sa iyo, mahal naming ama,
Magmula pa noon, gabay ka tuwina,
Ikaw man ay hindi na namin makita,
Sa puso at isip laging kapiling ka.
Alam ko na ako, di ulirang anak,
Kaya aking hiling, oh ama’y patawad,
Pangako sa iyo, gagawin pong lahat,
Upang makatulong kay nanay na liyag.
Paalam sa iyo, paalam oh itay,
Salamat sa iyo sa hiram kong buhay,
Dalangin tuwina sa Poong Maykapal,
Sa piling N’ya ika’y payapang manahan.

mike

Si Michael ay isang OFW sa South Korea. Kasalukuyan siyang head servant ng Baran Emmaus Filipino Community at regular na contributor sa mga newsletter sa Korea. Nagwagi siya ng unang gantimpala sa 2008...

Join the Conversation

6 Comments

  1. talagang ang buhay ay ganyan talaga
    malungkot, mapanglaw ngunit may pag-asa
    sa likod ng hirap na sa puso’y dusa
    habang tumatagal lulugod ang saya

  2. Sa pangamba bumubukal ang pag-asa
    Sa pag-asang may pangamba nadadalisay ang pag-ibig

    Ito ay para sa iyo Lupangtala

  3. ako isang batang hnd ko kapiling ang aking magolang dhil sa pagttrabaho nila sa korean naka 10 year sila doon ito paring hnd ko na sila naki2ta sa

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.