Habang nagmamartsa sa iyong likuran
ang mga watawat ng protesta,
iwinawagayway mo nang buong giting ang bandila
ng pagbabagong “mula sa sarili” lamang.

Masdan mo, Mr. Shooli,
ang pagbabagong “mula sa sarili” lamang
sa mga bituing kakulay ng mga unggoy,
amuyin mo
sa mga sampagitang kasimbaho ng asupre.
At saka ipakita mo sa amin
ang mga diktador at mandarambong na napaluhod
nang walang martsa ng mga watawat ng protesta.

Alexander Martin Remollino

Alexander Martin Remollino was Tinig.com's associate editor. He was a poet, essayist, and journalist. He also wrote some short fiction.

Join the Conversation

1 Comment

  1. Mr. Shooli!

    Ikaw na nagmamarunong
    tungkol sa pagbabagong isinusulong
    ay walang kabait-bait sa sarili
    nang magpaniwala sa sabi.

    Ikaw na nagtatanong
    sa mga nakakahong sagot, pananaw
    ng iyong mga kaibigang likaw.
    Wala kang alam!

    Magbarbikyu ka na lang, Mr. Shooli.
    Magtuhog ng mga latak,
    mag-asal ng inuuod nang laman
    ng walang kasimbulok na kasinungalingan.

    At subukan mo uling isawsaw
    sa minatamis na laway ng inyong partido
    saka mo kainin, namnamin,
    lasapin.

    Tingnan natin kung masasarapan ka.

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.