Ang kahapon ay pag-asang halos napawi
Ng tadhanang sa takip-silim lang bumabati
At sa buhay kong napuno ng hapdi
Sa pag-ibig mo lang nais umuwi
Ikaw ang diwa, ang puso, ang isip
Ng damdaming kailanma’y hindi iidlip
At ‘pag hagupit ng unos muling sumapit
Pagpatak ng luha ko’y aking ipipinid
Ang natanaw kong bukas, laging hinihintay
Dangan ang pag-asang hindi mamamatay
At kung sa libingan ako’y dagling maratay
Sa daigdig ng pag-ibig mo ako ihihimlay
Ang pangako ko’y iyong pagmasdan
At manatiling wagas sa ‘yong isipan
Ika’y iniibig at ‘di ka iiwan
Pagkat ako’y iyo kailan pa man.
-gerald
14 May 2008
