Sa mga oras na ika’y maligaya
Nandito ako, pinagmamasdan ka
Sa mga oras na ika’y balisa
Ako’y nakatingin, at naaawa.

Alam kong nararamdaman mo
Ang aking pagmamahal at pagsuyo
Ngunit, bakit ang manhid mo?
At sinabing, “Magkaibigan na lang tayo.”

Mundo ko ay napatigil
Ako’y papaiyak at nanggigigil
Bakit kahit anong gawin ko,
Magkaibigan lang talaga tayo?

Noong unang araw ng pasukan,
Hindi ko ninais na ika’y maging kaibigan
Ngunit sa paglipas ng panahon
Heto ako’t nag-aambisyon

Nag-aambisyong makuha ka,
Nag-aambisyong mapaligaya ka,
Nag-aambisyong higit pa sa kaibigan
ang ating turingan sinta…

Emmanuel Joseph Sumatra

Isang magandang araw sa inyong lahat mga kapaw ko Pilipino. Ako po si EJ Sumatra mula sa bayan ng Calamba. Kasalukuyan po akong nasa ikaapat na taon ng hayskul. Nais ko pong ipagpatuloy ang aking pag-aaral...

Join the Conversation

1 Comment

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.