Isang e-zine para sa mga kabataang Pilipino ang Tinig.com. Naglalathala ito ng mga personal na sanaysay, tula, dula, maikling kuwento, lathalain, komentaryo tungkol pambansang usapin, at iba pang akda ng mga kabataang Pilipino.

Mga Layunin:

• Maging lunan para sa malayang pagpapahayag ng mga saloobin ng mga kabataang Pilipino sa iba’t ibang usapin;
• Hikayating magbahagi ng kanilang mga kaalaman, karanasan at opinyon ang mga kabataan;
• Maisulong ang makabayang kaisipan;
• Manawagan ng pagkilos sa mga partikular na usapin;
• Maisulong ang pagsusulat at pagbabasa lalo na ng Panitikang Pilipino;
• Maisulong ang Pambansang Wika at ang mga lokal na wika ng Pilipinas; at
• Makatulong sa mga kabataan sa pagbubuo ng informed opinion.

Mababasa sa ig.com ang mga opinyon at personal essays ng mga contributor tungkol sa maraming mga usapin, maging personal man o panlipunan. Parehong ginagamit ang mga wikang Filipino at English.

Karamihan sa mga patnugot at contributor ng Tinig.com ay mga kabataang manunulat, peryodista, aktibista, at lider mag-aaral, ngunit bukas ang imbitasyong magsulat para sa lahat ng may nais ipahayag.

Napapanahon ang paglabas ng Tinig.com. Nasa yugto tayo ng kasaysayan kung saan naipakita nating mga kabataan ang kahandaang maging involved sa mga pambansang usapin. Noong People Power 2, naipakita nating hindi tayo tatahimik lamang sa gitna ng kadiliman. Iba na ang ating panahon. Tumayo tayo at nagpahayag ang bagong salinlahi.

Pero sa gitna ng mga pambansang usapin, may personal angst tayo sa ating mga bagahe. Pwedeng love life, pakikipagkaibigan, o family concerns. Tatalakayin natin iyan sa bawat isyu ng Tinig.com.

We invite the young Filipino netizens to join us at Tinig.com. Mag-contribute kayo at sama-sama nating talakayin ang iba’t ibang usapin.

Hayaang marinig ang Tinig ng Bagong Salinlahi.

Tatanggapin namin ang inyong mga artikulo tungkol sa anumang topic na gusto ninyong isulat at ilalabas ito sa mga pahina ng Tinig.com.

Send us your contributions now.