Ang State Visit ni Pangulong Arroyo
Bilang Ebidensya ng Pagpapakatuta sa Amerika
Ni Danilo A. Arao

Mismong ang datos na ito ang magpapatunay na ang gobyeno, para sa buong taon ng 2002, ay maglalaan lang sa bawat Pilipino ng P28.59 para sa pabahay, P58.20 para sa distribusyon ng lupa, P186.15 para sa serbisyong pangkalusugan, P389.23 para sa social security at P1,662.43 para sa edukasyon.

Simple lang naman ang dahilan ng maliit na alokasyon bawat tao para sa batayang serbisyo: Umaabot sa P250 bilyon ang gagastusin ng pamahalaan para sa depensa at pagbabayad ng interes mula sa ating utang panlabas.

Tandaan nating ang anumang paglaki ng badyet sa gastusing militar ay magbubunga lang ng mas maraming paglabag sa ating karapatang pantao.

Ayon sa datos ng Ecumenical Movement for Justice and Peace, mayroon nang 205 kaso ng paglabag sa karapatang pantao sa ilalim ng administrasyong Arroyo, na kung saan 326 indibidwal at 50 komunidad ang naapektuhan. Hindi pa kasama rito ang mga insidente sa Mindanao bunga ng operasyong military laban sa Moro Islamic Liberation Front (MILF) at Abu Sayyaf.

Samantala, ang anumang suportang pang-ekonomya ng Amerika ay lalo lamang magtatali ng ating ekonomya sa bansang ito.

Sa ngayon, ang Amerika ay pangunahing destinasyon ng ating eksport. Mula Enero hanggang Hulyo 2001, binili ng mga Amerikano ang $5.2 bilyon ng ating eksport, 28.3% ng kabuuang eksport na nagkakahalaga ng $18.6 bilyon.

Sa usapin ng import, malaki rin ang papel ng Amerika. Bagama't ang bansang Hapon ang pangunahing pinagkukunan ng import ($3.6 bilyon o 20.3% ng kabuuan), ang Amerika naman ay malapit na pumapangalawa ($3.2 bilyon o 17.7% ng kabuuan).

Mula 1997 hanggang 2000, ang kabuuang kalakal (eksport at import) ay umabot ng $66.1 bilyon. (Tingnan ang Talahanayan 2)

Ikatlong pahina