TULA
March to May, Miserable2K
Ni James Nicolay

Wala nang lulungkot pa
Sa akin na may cell phone na
May text feature na
Wala namang message na
Kahit man lang – oi, kamusta na?

Wala nang mas nakakainis pa
Sa taong may cellphone rin na
Bawat limang minuto, ti tit ti tit
9 messages received… opening… (message saved)
Erase message?... erasing message… erased.

Ni ako nga - sampung araw na
Di pa napapalitan ang mga
Walang kwentang messages na
Forwarded lang; naknampucha.
Erap jokes na nakakasawa.

Ni miski sa e-mail – wala
Puro subscribed blablabla, et cetera.
Dating trentang kataong sinusulatan
At pinapayuhan at kahit anung kabaliwan:
Ngayon, you have no messages in your inbox.

Sayang lang ang 900 pesos ko sa
Monthly isang oras, isang araw na pag-i-Internet; lalo na
Sayang ang cell phone unit kong 7,700 pesos
Ang SIM card ko na 600 pesos
At ang pre-paid kong 300 pesos.

Kung pinang-Jollibee ko na lang siguro,
Masaya pa ako.