Kaastigan at Kalayaan

Sa lahat ng nakikinig, nabibingi at nagbibingi-bingihan at sa mga talagang wala ng pag-asang makinig, para sa inyo ito.

Kung anong meron ka, huwag mahiya o matakot na ipaalam sa iba. Dahil ikaw yan; lakas mo yan. Hindi na baleng sabihin ng mas matanda sayo na parang wala kang modo kung makaasta. E, ano paano nila nasiguradong may modo nga sila dahil sa standard values na sinabi ng mga nasa akademya? At sino may sabing ang sinabi ng akademya ang tama at dapat gawin? Yung mas matanda sa ‘tin. Ayoko, ayokong maniwala dyan. Sa tingin ko, nanloloko lang yang mga yan.

Hindi eskuwelahan, hindi simbahan ang puwedeng makapagsabi kung ano at alin ang puwedeng maging itsura ng lipunan at ng tao. Hindi naman absolute truth at walang patunay na puwede ngang absolute truth ang sinasabi ng simbahan at ng akademya. Yon ay pinag-usapan lang nila dati. Pakiramdam nila, ‘yung pinag-usapan nila dati ang dapat pa ring masunod ngayon. At bakit ulit? Sino may sabi sa kanilang gusto namin o nating maging katulad nila? Ha! Neknek nila!

Kaya yung mga cool dyan sige na ilabas nyo na yan. Huwag mag-aalala, walang batas na nagsasabing bawal gumawa ng sariling buhay–walang ganoon.

Kaya sa mga tunay na astig dyan, take note of these reminders mula sa Astig Authoroty of the Philippines. (Hindi naman ito definite standard ng pagka-astig dahil iba’t iba ang paraan ng pagiging tigasin pero maniwala kang makatutulong ‘to sa pagpaparami ng lahi ng mga astig.)

Mabuhay ang mga astig!

1. Huwag matakot tumayo o pumikit sa klase kapag nangangawit o inaantok kapag nagdidiscuss si ganito o ganireng titser.

2. Puwedeng makinig sa guro nang nakatayo o nakapikit; kapag sinita, ikatwirang hindi naman mata ang nakikinig kundi tenga at hindi naman puwit na nakalapat sa upuan ang sumasalo ng laway ng titser kundi yung utak mong nasa loob ng bunbunan.

3. Huwag papayag na matapos ang araw na hindi nakapagsalita sa klase.

4. Ang pagsasalita ay kalayaan ng sinuman na kailangan ensayuhin. Kahit hindi masyadong maka-Ingles puwede naman ‘yun. ‘Pag sinita ka, sabihin mong kaya ka nga kamo nagsasalita para mahasa ang Ingles mo. ‘Pag ayaw maniwala sayo, sabihin mo “Ma’am o Sir, hindi naman ako ipinanganak na sinungaling.” Saka tumawa nang ganito: He He He.

5. Huwag laging sunud-sunuran sa utos ng kung sino lang.

6. Hindi lagi lang matanda ang may karapatang mag-utos ng dapat gawin; lahat ng tao puwede. Kahit hindi masyadong katandaan. Walang age limit sa puwedeng makapagbigay ng payo.

7. Huwag basta bayad ng bayad sa mga kaletsehang pinapabayaran sayo.

8. ‘Pag tinanong kung bakit hindi ka nakakabayad, huwag nang masyadong magpaliwanag. Sapat na ang sabihing wala kang pera. Sabay sabing, “Okey!”

9. Huwag matakot umupo sa mga lugar na wala namang upuan.

10. ‘Pag sinita ng sekyu, sabihin mong tumatae ka lang; lilinisin mo naman kamo pagkatapos.

O pa’no mga astig, kita-kits tayo sa mga tambayan natin ha.

Don’t forget, ang astig, cool lang pero hindi masama ang ugali.

Si Edilberto, 27, ay kasalukuyang nagtuturo sa Bulacan State University sa ilalim ng Instituto ng Artes at Letras bilang propesor sa wika at panitikan. Contributor siya sa Liwayway Magazine simula pa noong taong 2004.

7 Comments

  1. SIR..
    ANG GALING NYO!!AKONG AKO UNG TINUTUKOY NYO E..WAHAHAHA!!!MORE POWER SIR EDDY.=)

  2. ayus ah!! tangna’ tama ka tito! tagal ko n yang gustong gawen kso lam mo nmn mhirap hehehe astig k tlga!!!

  3. hehhe… sir,, hindi ba kayu magagalit kpag sa inyo gnwa un? hehe.. astig..

  4. awoOOh sir!!!, astig ka hahaha>>>>

    pwede bang i-try??(joke lang)

    ok mga prinsipyo nyo sa buhay, ASTIG!

    he he he

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.