Sumisirko-sirko
ang bansa, alagad
ng krus na kawad
at lambat, Boy Tumbling
sa ere. At kober
ng midya ang kanyang
pagpanhik-panaog
sa haliging-hagdan.
Dantaon na ako
nanonood dito.
Hindi ko makuhang
pumalakpak. Bitin
sa ere ang lahat
ng aking daliri.
hindi hamak na ganito na nga
ang mundong kinatitirikan
paikut-ikot
parang tsubibo
parating na sa itaas
senyas lamang pala
ng pagbaba
nakakatawang isipin
nakatatawang pagmasdan
ang pelikulang babad sa
kahibangan
at kabaliwan