DALAWANG URI ang iyong pagkatao
Hindi ko mawari kung alin ang totoo
Isay inilalantad, isa'y tinatago
matigas malambot o mamon na puso
Pabagobago iyong katauhan
Ang nararapat hindi ko malaman
Ang isang bahagi'y pilit tinatakpan
Ng maskarang yari sa kahinaan
Ang isang katauhay kawangis ni eba
Katangian ni Adan sa isa nakita
Magkabilang panig, salungat kaiba.
Ang kabuuan, ano't ano nga ba?
Mga agam-agam pumapailalim
Mga katanungay nakaririmarim
Mga pang-aapi'y sa iyo nagdidiin
Nais ng lipunan ikaw ay litisin.
Tanging pagbabagong iyong hinahanap
Naway tanggapin hangad ay paglingap
Mula sa taong kaagapay sa hirap
Sa kabila ng dalawang katauhang di tiyak
