MULA SA PATNUGOT
Yoko!

'YAN ang sabi ng paborito kong Eraserheads tungkol sa CMT. Sigurado ako, ganyan din ang saloobin sa Reserve Officers Training Corps ng nakararaming mga college boys.

Balitang balita ngayon ang madalas na boykot sa mga ROTC training. Minsan nga, nagkakabangayan pa pati ang mga kapwa nagtatawag ng abolisyon nito.

Sa isyung ito at sa susunod pa, talakayin natin ang ROTC. Bakit sa kabila ng mga pagbabagong ginawa sa ROTC program ay umiinit pa rin ang protesta laban dito? Mahalaga pa nga ba, o kailangan pa ba natin ang ganitong pagsasanay? O ang pagtawag ba sa pagbuwag nito ay pagtalikod sa ating tungkuling paglingkuran ang Sandatahang Lakas ng Pilipinas?

Basahin sa isyung ito ang opinyon ng ilan sa ating mga contributor. Kung kayo ay may sariling kuru-kuro, kapareho man o salungat sa mga ito, ay ibahagi ninyo sa Tinig.com. Sama-sama nating pag-usapan ito.

Pero hindi lang puro ROTC ang topic natin ngayon. Narito rin ang iba pang mga subject gaya ng State of the Nation Address ni Ate Glo at ang tila walang hanggang tuition hike. Basahin din ang mga kwento, tula at sanaysay tungkol sa buhay-journalist, text at romance, pagkabato, radio talk shows, at laos nang senadora.

Hanggang sa muli,

Ederic Eder
Tinig.com