Bato, Bagot, Bato
ni Buguy

Tak, tik, tak Naging musika ang patak ng relo.
Libang nga sa pagkamanhid ng utak…
Patang-pata
sa pagkatupi nito,
wari’y gripong piga na sa pagpatak.

Tahimik,
ngunit umaalingawngaw
ang sigaw sa karimlan ng isipan.
Turete sa hintay niyang pagpanaw-
oras na nahimlay sa kawalan.

Marahang halikan ang labi ng kopa,
Nang mawaglit itong kabagutan.
Yakapin, sandaling pagkabalisa.
Maihalal ka lang sa ‘king isipan.

--------------
Si Bugoy ay tubong Pampanga. Nasa ikatlong taon siya sa AB Psychology sa University of the Assumption.