MULA
SA PATNUGOT:
Youth Power,
Hindi Power Bill
Youth
power, hindi Power Bill ang dapat sanang umiral sa panahong ito.
Pero
ang nangyari, isinaksak ng administrasyon ni Ate Glo sa baga natin
ang Power Reform Bill. Nagmamadaling inaprubahan ito ng mga alipores
niya sa House of Representatives at sa Senado.
Ano
ba talaga itong Power Bill at bakit ito tinututulan ng marami?
Sasagutin
iyan ng special feature natin ngayon isyung ito tungkol sa power bill.
Sa pahintulot ni Ms Chit Estella, editor-in-chief ng Pinoy Times,
ay inilalathala natin ang "Power
Bill: Power Para sa nasa Kapangyarihan?" ni Marie Stella
De La Cruz na naunang lumabas sa Pinoy Times Special Edition.
Makatutulong
din sa pag-unawa sa isyung ito ang pahayag ng Akbayan, "Compromise
Bill Compromises National Interest"--dito'y naghahain sila
ng alternatibo. May mga puna naman si Rep. Bobby Tañada sa
"The Electricity Industry Reform Act Bicam
Report: Some Comments." Ayon naman sa Bayan Muna, dapat ibasura
ang Power Bill: "Bayan Muna: Junk This Shotgun
Piece of Legislation!"
Kasabay
ng pagputok ng isyu ng Power Bill ay ang mga usapin naman ng katatapos
lamang na eleksyon at ng pagbubukas ng klase. Basahin ang kolum ni
Mong Palatino tungkol dito sa "Mas Palpak
ang CHED Kaysa Comelec."
Matapos
ang eleksyon, nagpapasalamat naman si Mareng Winnie sa lahat ng tumulong
sa kanyang kampanya. Basahin ang liham niya sa kanyang mga kaibigan
sa "Thank-You Letter from Winnie Monsod."
Samantala,
sina Tina Briones at Angela ay nagsesenti naman sa kanilang mga artikulong
"What It Feels Like to Know a Friend
and Love Him" at "Ang
Aking Mundo."
Maaliw
naman kayo sa kwento ni Jun Lisondra tungkol kay Kulay sa "Si
Kulay sa Pusod ng mga Itim na Daluyong ng EDSA People Power IV"
at maiinlab kayo sa "Sana
at Wag Sana," isang tula
ni James Nicolay.
Sa
gitna ng mga sari-saring usapin, patuloy ang Tinig.com na nagsusulong
ng youth power. Sinisikap nating sa ating maliit na paraan ay maging
daan upang makapagpahayag ang mga kabataan.
Sabagay,
tila nagpapakita ng pagkagiliw sa kabataan si Ate Glo. Para sa atin
ang mga ipinangangako niyang pagbabago na ayon sa kanya'y isusulong
ng kanyang administrasyon.
Pero
dapat tayong magmatyag at magkaingay lalo sa mga sitwasyong gaya ng
sa pagpapasa ng Power Bill. Baka kasi sa halip na youth power ang
mangyari, e power trip ang kalabasan, gaya ng nangyari sa nakalipas
na administrasyon.
High
na high sa kanyang power trip laban sa media, laban sa mga Muslim
at laban sa sambayanan si Erap nang sumabog ang People Power 2. Buti
na lang at nagwagi ang katarungan at katotohanan. Sa pangyayaring
iyon, hindi maitatanggi ang umiral na youth power.
Palakasin
pa natin ang power na ito.
Hanggang
sa muli,
Ederic
Eder
Tinig.com
