Umupo kami sa pandalawahang upuan
Magkatabing nagsisiksikan, nagbibiruan
Tigas ng kahoy ma'y nadarama sa puwitan
Magkahawak-kamay kaming walang pakialam
Bigla-bigla'y umatake ang salot na anay
Kinain ang dati-rati'y upuang matibay
Hanggang sa siya na lang ang puwedeng umupo
At ako'y sa sahig na lamang nakatalungko
---------------
Unang gantimpala, LOVE OUT LOUD, isang poetry reading contest na bahagi
ng Bukambibig sa UP (proyekto ng National Commission for Culture and
the Arts at ng UP Writers Club), 21 Pebrero 2003.
