WATAK-WATAK, kakaunti, at walang sigla ang paggunita sa ikalawang
taon ng People Power 2.
SA EDSA Shrine, humigit-kumulang isang libong mga mambabatas, matataas
na opisyal ng gubyerno at Simbahan, mayayamang mangangalakal, at pangkaraniwang
tao ang nagtipun-tipon upang dumalo sa Banal na Misa at pakinggan
ang mga bagong pangako ni Gloria Macapagal-Arroyo.
Sa fly-over sa labas, nakalusot ang may 500 militante mula sa timog
ng Kamaynilaan at doo'y isinigaw ang umano'y pagtataksil ng pamahalaan
sa simulain ng EDSA, habang ang kanilang mga kasama—mga manggagawa,
magsasaka, kababaihan, kabataa't mag-aaral, at mga taong-simbahan—na
naa tapat ng Kampo Crame'y binabasa, pinupukpok, at pinilit madampot
ng napakakapal na hanay ng "Pulis Power 'to."
Bayan Muna Rep. Satur OCampo |
Pres. Gloria Macapagal-Arroyo |
Militants hold a lightning rally at the
EDSA flyover.
|
Tinig.com Associate Editor Alex Remollino
and Columnist Mong Palatino. |
Former Senator Raul Roco. |
"Tagumpay sa EDSA, bigo kay Gloria."
|
"Onward with the struggle for justice
and meaningful change."
|
Pulis Power ito! |
Samantala, ang mga sasakyang napapalamutian ng lobo't streamer ng
mga samahang sipsip sa gobyerno'y malayang pinadaan sa EDSA upang
mapagtipon sa People Power Monument.
Sa Mendiola, ang ibang militante'y naniningil at patuloy na naghahamon
sa pamahalaang Arroyo.
Sa Club Filipino, muling tumatahol ang makakapal ang mukhang mga
tuta ni Joseph Estrada at ilang kaalyadong anti-Gloria—nagbabanta
ng impeachment.
Samantala, ang karamihan ng mga mamamaya'y patuloy sa kani-kanilang
mga gawain, kung 'di man nagngingitngit sa pagsisikip ng trapik na
dulot ng mga kaganapan.
---------------
Si Ederic, 23, Patnugot ng Tinig.com, ay nagtapos ng Journalism sa
UP Diliman at ngayo'y part-time reporter sa Kyodo News.
