At sa
Pagitan
Ng iyong mga
Buntong hininga
Uusal ka ng iyong
Bulol na orasyon, saliw sa tugtog
Ng kabog ng yong minamasong dibdib;
At kapag buong layang ibinuka ang labing tikom
Mag-uunahang magsitakas ang hanging ikinulong
At saka dadaloy… at dadaloy na mainam
Luhang nag-uunahan sa pugtong mata
Sa pag-amot ng pag-asa sa
Akalang maibsan ang sakit
Na sa laman ay sumiksik
Dahil sa pagtutuos
Buhay nga'y kapos
Kahit sa sanlibong
Pagtitika…
---------------
Si Rowan ay taga-Limay, Bataan.
