AKO NGA pala si Clarissa. Ang isasalaysay ko ay isang kakaibang
karanasan—isang karanasan na hindi ko makalimutan.
Nagsimula ito nang ako ay magtapos ng high school. Nagbabakasyon
ako sa lumang bahay ng namayapa kong lola sa Tagaytay. Hapon na noon.
Ako'y nagpapahinga. Mahimbing ang aking tulog. Nanaginip pa nga ako.
Napanaginipan ko ang isang lalaki. Matangkad siya, moreno, guwapo
at nakatingin siya sa akin. Tinatawag ko siya, hindi niya ako pinapansin.
Parang wala siyang narinig.
Nang lumuwas ako ng Maynila, napanaginipan ko ulit ang lalakeng ito.
Ganun pa rin ang postura niya. Nakatayo at nakatingin sa akin. Tinatawag
ko ulit siya para kausapin pero hindi nya ako pinapansin.
Sino siya? Ano ang kanyang pakay? Bakit niya ako dinadalaw sa aking
panaginip? Isa itong malaking palaisipan.
Patuloy pa rin niya akong dinadalaw sa aking panaginip. Minsan, gabi-gabi
ko siyang nakikita sa panaginip ko. O kaya, kung hindi ko siya napanaginipan
ngayon, sa isang buwan naman o sa isang linggo. Malaking palaisipan
sa akin ito.
Sino siya? Ano ang kanyang pakay? Bakit niya ako dinadalaw sa aking
panaginip? Isa itong malaking palaisipan.
---------------
Si Kathy, 21, ay nag-aaral sa Chiang Kai Shek College. MAhilig siyang
magsulat ng maikling kuwento, magbasa ng mga aklat at magazines, manood
ng TV at sine, at mag-shopping.
