SI PILAR R. Abila ang pinakabatang Bikolanang nakipaglaban sa mga Hapones. Sa gulang na 15, sumali siya sa yunit gerilyang pinamumunuan ni Kap. Llanaresas ng Albay noong 1941. Ayon sa sa mga kuwento ni Lola Pilar, silang mga kababaihan ay tumutulong sa paggamot sa mga sugatang gerilya at humahawak din sila ng baril kung kailangan upang makipaglaban sa mga Hapones.

Nakatulong ang mga Bikolana noong panahon ng mga Hapones. Tagaluto sila ng pagkain ng mga gerilya at tagadala ng mga bala. At minsan, sumsabak sa labanan kung kinakilangan, at ang iba ay tagamasid kung ano ang nangyayari sa baba ng bundok.

Sa Pamilyang Raro, hindi lang si Lola Pilar ang gerilya; pati yaong dalawang niyang nakakatandang kapatid na si Celzo at Julio.

Sa gulang na mahigit sa 70 taon ay patuloy parin aktibo itong si Lola Pilar sa simbahan at marami siyang mahihirap na kabataang napaaaral.

Sa kabila ng kanyang gulang, hindi niya nakakalimutan ang mga katapangan ng mga kababaihan na tulad niya.

Hangang ngayon sa Albay pa siya nakatira.

Sa kasaysayan ni Lola Pilar, nakikita ang mga kabayanihan ng mga kababaihang kahit mapanganib ay sumasabak sa labanan para lang makatulong sa bayan.

Marami ang tulad niyang kababaihang ang hangarin makatulong kahit kaunti sa kapwa, lalo na sa mga mahihirap na kabataan.

For comments and reactions to this article, please visit Tinig.com Forums.