|
MULA
SA PATNUGOT
Mga Bayaning
Inaapi, Etc.
KAMI PO ay maka-Pilipino
pero hindi anti-American. Ipinauuna lang namin iyan dahil uso ngayon
ang pagtawag ng "anti-American", "komunista,"
at "terrorist-lover" sa mga sa mga nagsusulong ng nasyonalismo.
Nagulat naman
kami nang mabalitaan namin ang nagpupuyos pa yatang pagkakasabi
ng Unang Ginoo na "komunista" raw si Pangalawang Pangulong
Guingona.
Like, hello?
Kapag nangmungkahi
ka pala ng mga pagbabagong pampulitika at pang-ekonomiya na inaakala
mong makabubuti sa bayan, komunista ka na. (Side comment: saka para
namang isang napakalaking kalanan ang pagkakaroon ng ideology na
hindi carry ng mas nakakarami. Last time I heard, the Philippines
is a free country!)
Pinuwersa na
ngang mag-resign sa Department of Foreign Affairs, biniktima pa
ng kaululang red scare. Napaka-ironic na reward para sa isang tunay
na lingkod ng bayan!
Sa totoo lang
naman, ang mga isyung dinadala ng makabayang Pangalawang Pangulo—ang
pagpapahalaga sa pambansang soberenya at ang maingat at masusing
pag-aaral bago sumabak sa globalisasyon—ay napakatagal nang
usapin. Panahon pa ng dakilang bayaning si Claro M. Recto ay ipinaglalaban
na niya ang pagsasaalang-alang sa kapakanan ng bansa at pagtayo
sa sariling mga paa.
Sabagay, sobrang
deadma naman tayo sa ating kasaysayan. Inapi pa nga at tinapyasan
ng oras ang pag-aaral ng kasaysayan sa ilalim ng millennium curriculum
ng nagbitiw na Education Secretary Raul Roco. E di kulang na kulang
na ang panahong upang mapag-aralan natin ang mga dakilang simulain
nina Jose Rizal, Andres Bonifacio, Claro M. Recto at iba pang mga
bayani? At ngayon, gusto pa yata nating ipalit kay Macapagal ang
may pakanang ito ng bagong curriculum? Hindi na talaga tayo natuto.
O, eto pa ang
isang kuwento ng inaping bayani. Naba-bad trip kasi kami sa kaarogantehan
ng Pangulo nang ituro nitong suspect ang isang Gng. Acsa Ramirez,
na sa totoong buhay ay siya pa ngang nagturo sa mga salarin sa isang
kaso ng money laundering. Ayaw mag-apologize ng Palasyo, at ngayon,
kinasuhan at idinawit pa ang kaawa-awang bayani. Napaiyak na lang
daw yung tao nang bigla siyang ituro ng Reyna. Tsk tsk tsk, tama
ba naman yun?
Sa pagtatanggol
kay Ramirez, sana naman ay hindi kami tawaging "money-launderers".
Ayaw naming mapahanay sa isang senador na ganyan yata, ha?
Anyway, pangunahing
tema sa mga artikulo sa v18 ng Tinig.com ang kawing-kawing na mga
bagong patakaran ng pamahalaang Macapagal sa national security,
human rights, at foreign affairs.
Ang all-out
war laban sa mga "teroristang enemy of the State", ang
pagtatanggal ng maximum tolerance, ang tila pagpapaubaya ng pagtatanggol
ng bansa sa kamay ng US, at ang human-right violations na kaakibat
ng mga ito. Tinatatalakay ang mga isyung ito sa iba't ibang artikulo,
tula, at pahayag sa isyung ito. Mababasa rin ang tungkol sa mga
usaping iyan sa kolum nina Mong Palatino,
Alex Remollino, at ng pinakabago nating
columnist, si Gari Lazaro ng Student
Council Alliance of the Philippines at Akbayan.
Siyempre, hindi
mawawala ang iba pang mga usapin. Sa isyung ito, tinatalakay rin
ang corruption, abortion,
at penal system, pati na ang isang
"utopian vision" para sa
ating bansa.
Nagpupugay pa
rin tayo sa mga bayaning Pilipinong na hindi na natin kapiling ngayon.
Sa buwang ito
na Agosto, ang buwan ng Rebolusyon at buwan ng Wikang Pambansa,
may wish kami: nawa'y mag-alab ang apoy ng nasyonalismo sa ating
mga puso.
Huh, heavy ba
masyado? Relax naman tayo't sumali sa
Take a u-turn photo contest ng UP ORG. Sana suportahan natin
ang proyektong ito, gaya ng patuloy na suportang tinatanggap ng
Tinig.com.
Hanggang sa
muli!
For
comments and reactions to this article, please visit Tinig.com
Forums.
|
