MULA
SA PATNUGOT
Tutang Ina N'yo!
ANG INA ng Bayan
ay inaasahang mangangalaga sa kapakanan ng kanyang anak. Ngunit paano
kung ang siya'y sunud-sunuran na lamang sa isang tiyuhing
pakialemero't palaaway?
Super sad ang ganoon, siyempre. Ngunit sa
kasamaang palad, ito'y nangyayari sa ating bansa ngayon.
Binabaligtad ng kasalukuyang pamunuan ang
mga pasulong na hakbang natin tungo sa tunay na pagsasarili. Ang pagkakapasa sa Visiting Forces
Agreement sa panahon ng noo'y acting president Joseph Estrada ay itinuturing na malaking dagok at insulto sa ating
pagsasarili matapos sipain ng ating Senado ang proposal para sa pananatili ng US military
bases sa ating bansa.
Ngunit sa panahon
ng mahal nating si Ate Glo, nakalusot ang Balikatan 02-1, na kaagad
sinundan ng Balikatan 02-2 at nanganganib na tuluy-tuloy na masundan
ng marami pang Balikatan sa loob ng limang taon sa iba't ibang bahagi
ng Pilipinas. Pero akala n'yo ba Balikatan lang? Sorry na lang tayo
dahil pailalim pang niluluto ang Mutual Support Logistics Agreement
(MLSA) na magpapahintulot sa pagkakaroon ng US military ng mga storage
facility sa ating bansa.
Kaya naman naniniwala kami na totoo ang haka-hakang nasagap ni Lisa Ito ng Philippine
Collegian at binanggit niya sa kanyang artikulong Puppy Love: magli-live in
na raw ang Ina ng Bayan at ang lover niyang si Uncle Sam.
Hmmm, baka naman
nagiging malisyoso lang tayo. Friends lang sila, kayo naman! Sa
totoo lang, di ba't Fil-Am Friendship Day ngayon? Ah, whatever!
Marami naman talagang denial king and queen sa mundo. Ngunit ayon
kay kaTinig na Dennis Aguinaldo sa kanyang Friendship
Day Rants, ang friendship kuno na yan ay inimbento lang ng mga
dating pinuno para makapagpa-cute sa kanilang mga among Kano.
Pero mabalik
tayo kay Ate Glo: sobrang love niya si Uncle Sam talaga. Lahat ay
gagawin niya para magtagumpay ang layunin ng Kano rito. Pati pagsibak
niya kay Pangalawang Pangulong Teofisto Guingona bilang Kalihim
ng Ugnayang Panlabas ay brutal at minadali. Ito kasing si Tito,
kahit kadalasa'y napipilitang mag-bow na lang sa kanyang Ate, ay
hindi pa rin magawang tuluwang iabandona ang kanyang paninindigan.
Dahil tunay at makabayan at ang prinsipyo'y pinanday na ng karanasan
at kasaysayan, nakikita ang ng Pangalawang Pangulo ang kadalasa'y
di nakikita ng mga taong in love na in love gaya ni Ate Glo. So
obviously, susupalpalin ni Tito ang nilulutong MLSA. Eh, siyempre,
di pupuwede yun! Kailangang makapasok nang maluwag si Uncle Sam
dito dahil baka ma-bad trip pa eto at hindi suportahan si Ate Glo
sa 2004. So yun, foreign affairs adviser na lang daw si Pangalawang
Pangulong Guingona. si Ate Glo muna ang uupo habang nililigawan
pa si Blas Ople para pumalit sa nabakanteng posisyong lubhang mapagpasya
sa mga usaping US-Pilipinas.
Pero teka muna?
Bakit ba gigil na gigil tayo sa closeness ni Ate Glo at Uncle Sam,
at bakit isinusuka natin ang Balikatan? Sa Tinig.com
v11 ay nasagot na natin iyan, at nais natin ngayong i-quote
si Pangalawang Pangulong Guingona: "Hindi kami anti-American. Kami
ay pro-Pilipino lamang." Samantala, may sagot din si Professor
Roland Simbulan ng Yonip.com
sa kanyang artikulong US Intervention:
An Exercise of Sovereignty?. Harinawa'y hindi maganap ang ipinta
niyang madugong posibleng mangyari, ngunit sa huli'y hindi natin
masasabing hindi tayo pinaalalahanan.
Ilang artikulo,
kwento at tula pa rin na may kaugnayan sa di-pantay na ugnayan ng
US at Pilipinas ang nasa isyung ito, kabilang ang iba pang regular
na bahagi ng Tinig.com
Sana'y hindi
kayo nababanas gaya namin kapag naririnig ko sa naririnig ninyo
sa Ingles ang "You're either with us or you're with the terrorists!"
na awtomatikong nasasalin sa Filipino nang ganito: "Hindi ka Pilipino
kung tutol ka sa Balikatan...isa kang Abu Sayyaf-lover!"
At kapag dahil sa pagtutol namin sa kasalukuyang ugnayan ng Ina ng Bayan at ni Uncle Sam ay tatawagin kaming mga terorista,
ganito lang ang aming sagot: Tutang ina n'yo!
Hanggang sa muli,
Ederic
Peñaflor Eder
Patnugot, Tinig.com.
For
comments and reactions to this article, please visit Tinig.com
Forums.
|
