MULA
SA PATNUGOT
Pesteng PPA at
mga Tinig na Nagpupumilit Marinig
HABANG NAGPAPATULOY
ang paglaban ng mga mamamayan sa di-makatarungang purchased power
adjustment na ipinapatay buwan-buwan sa ating mga electric bill,
nagpapatuloy rin ang pagpupumilit na marinig ang mga aping tinig
ng kabataan at ng kababaihan.
Tinatalakay
at ipinapaliwanag ni Andy Darag sa artikulong
mula sa kanyang online diary ang isyu ng PPA at hinihikayat niya
tayong sumali sa mga protesta upang maalis ito..
Naniniwala tayo
rito sa Tinig.com na ang PPA, sa kabila ng kung anu-anong teknikalidad
na isinasampal ng mga maykapangyarihan sa ating mga mukha, ay maaaring
sumahin sa bilang isang payak na usaping pangkatarungan. Kung ang
sapilitang sinisingil sa atin ay hindi natin nagagamit, dapat ba
natin itong bayaran? Siyempre hindi.
Hindi tayo ang
dapat magpasan ng kung anumang bayarin na dulot ng lubhang excitement
ng gobyerno noon na makipagkontrata pagkarami-raming independent
power producers. Kung gayon, tama lamang ang pag-aalsa ng sambayanan
laban sa PPA.
Samantala, pakinggan
ang mga hinaing ng mga kabataang nagnanais na marinig: Sa pagnanais
na gawin ang mga bagay na gusto niya nang walang ibang taong naaapektuhan,
si Jason Laxamana ay tinatawag na weirdo.
Nalulungkot naman si Hexel Dagooc sapagkat kadalasan ay di
pinapansin ang opinyon nating mga kabataan
dahil sa mura nating edad. Umaasa naman si Chu Ocson na sa
paglahok sa Sangguniang Kabataan, maririnig ang tinig
ng kabataan tungo sa tunay na pampulitikang pagbabago sa ating
lipunan.
Ang daing naman
ni Ien: Bakit ayaw tanggang pwede ring magtapat
ng nararamdaman ang mga kababaihan?
Sa kaarawan
ni Gat Jose Rizal, isang dula tungkol
sa kanyang kabataan at murang pag-ibig ang handog ng hinahangaan
nating si Alberto Florentino.
Samantala, ang
pamahalaang Gloria Macapagal-Arroyo ay dapat managot sa patuloy
nitong pagpapakatuta sa Estados Unidos, ayon naman sa Gathering
for Peace.
Sa isyung ito
ay nagpapatuloy ang kolum ng lider-kabataang si Mong Palatino:Daluyong
ang bagong pamagat ng kanyang regular na espasyo rito sa Tinig.com.
Nagsisimula naman ang Alipato, ang kolum
naman ng Kapatnugot nating si Alexander Martin Remollino.
Masaya nating
ibinabalita na pinagkalooban tayo ng Fragtech.net
ng bago at mas powerful na web hosting. Muli na ring naibalik ang
ating libreng web-based e-mail
sa Everyone.net. Ang Tinig.com
Forums naman ay inaasahang maaayos sa lalong madaling panahon
Enjoy reading
Tinig.com v15.
Maraming
salamat,
Ederic
Peñaflor Eder
Patnugot, Tinig.com.
For
comments and reactions to this article, please visit Tinig.com
Forums.
|
