TULA
Opinyon Lang Pare
ko
Ni Aika Pascual
Lagi kong napapanood
sa telebisyon
mga pambansang balitang pampubliko
may maiinit na balita't opinyon
sino kaya ang nagsasabi ng totoo?
Kaya dinadaan
ko na lang sa tula
ang aking masasabi tungkol sa sitwasyon
sa pulitikal na problema nitong bansa
sana mabasa nila ang aking opinyon
May mga taong
sabik sa pera
at gusto rin nila ang kapangyarihan
ito'y isa sa pinagmumulan ng giyera
sa pagitan nila at ng mamamayan
Di ko maintindihan
sa mga taong 'to
silang binoto ng kanilang kababayan
ang pagnanakaw at pagtataksil dito
ay sana mabura sa kanilang isipan
May mga tao
sa mataas na posisyon
ang hindi alam ang trabaho nila
at sinasamantala ang pagkakataon
tapos ipagdadasal na yayaman sila
Sana sa pagdatingng
mahabang panahon
ay magbago ang takbo ng ihip ng hangin
ang ating bansa ay sana makaahon
magdasal tayo't taimtim na manalangin
At sana ang
lahat ng magiging pinuno
ay magising at maging tapat sa serbisyo
isapuso ang pangarap at pangako
nang mabuhay nang mapayapa ang bansang ito!
----------------
Si Aika Pascual ay, 14, isang 2nd year hs student sa Nazareth School,
Manila.
For
comments and reactions to this article, please visit Tinig.com
Forums.
|
