Ang
kakaibang titulo
Ng binabasang korido,
Di karaniwang numero
Pagkat lucky number ito.
Si Chavit
ang nag-umpisa
Jueteng iskandal ni b’waya
Daang milyon, tinamasa
Kaya’t s’ya ay nagpasasa.
Pangulong
kayraming asawa
Sina Loi, Laarni’t Guia.
Di rin mabilang ang mansyon,
Galing sa jueteng koleksyon.
Tao’y
di na nakatiis.
“Erap, resign or be impeached!”
Nagka-aksyon sa kongreso
Si Villar ay instant hero.
Impeachment
trial ni Erap
Nagmistulang soap opera:
Showing daily sa enado
Sinubaybayan ng tao.
Erap as
Jose Velarde
Lead star dito ang pangulo.
“Guilty!” usig ni Joker.
“Not guilty!” kay Estelito.
Ito ay nakakainip.
Ito’y pagkahaba-haba
Pero effective si Miriam,
Lahat ay napatawa n’ya.
Isang araw,
may dumating.
Pinagkaguluhang sobre,
Sa bangko ito sininop,
Tawag ay second envelope.
Ngunit
ayaw namang buksan
Ng labing-isang senador.
Nagdebate at nagdiskurso,
Nag-away ang anti at pro.
Nang manalo’ng
labing-isa,
Nagsasayaw si Oreta.
Parang sayaw ni Salome
Sa tao, s’ya’y walang paki.
Resulta’y
di na hinintay
Impeachment, di na tinapos.
Taumbayan ay nagmartsa
Sila’y nag-text hanggang Edsa.
Nag-resign
ang prosecution
Sa
may Shrine, nakipagtipon.
Dumami ang nagprotesta
Naging 1.8 million na.
Marami na’ng
bumaliktad.
Kumonti na ang pro-Erap.
Pati si Nora, sumama
Pero ang El Shaddai, wala.
Sa dami
ng pangyayari,
Nag-isip ang military.
At nagmistulang last supper
Ang long table meeting ni Sir.
Sa ilalim
ng estatwa
Walang mayaw ang ralyista.
“Mr. Anaconda, baba!”
“Oust Erap!” kanilang ngawa.
Nu’ng
Sabado ng umaga,
Tao’y nagpa-Mendiola na.
“Alis Erap and family!”
Sinigaw hanggang tanghali.
Ang Edsa’y
dinagsa muli,
“Umalis man siya o hindi,
Heto na’ng bagong pangulo!”
Sabi ni Sin sa mga tao.
At nag-oath
taking na nga s’ya
Ang anak ni Macapagal.
Buong bansa ay masaya.
Yon ang Sabado de Gloria!
Pahabol:
Ngunit ang totoong natuwa
Dahil malaki’ng kinita:
Mga may-ari ng Globe, Smart
At Robinson’s Galleria.
