November 21, 2007 | Tula
Saan Manggagaling ang Bukas?
Fortunato M. Abraham IIIalam ko na ang araw ay sisikat din sa dakong silangan
ngunit tila naiinip sa pagdampi ng kanyang silahis
ang pangako ng isang bagong umaga…
…ng bagong pag-asa
kasabay ng iyong pagsilang
ay ang paggising ng mga nahimlay at nalulumbay
ang sumpa ng pagpapatuloy….
…ng pagsusumidhi
ngunit malamlam ang dampi ng init…
nagkukubli sa mga ulap.