September 9, 2008 | Tula
Pitong libo’t Isang daa’t Pitong Pulo
Robin AmodiaPinag-alayan ng sandamakmak na dugo
sa pagtatanggol ng taos sa puso
nang mga bayaning walang alinlangan
upang sa kaligtasan ng Inang Bayan.
Lumipas ang maraming panahon
sanlaksang tula ang tumutol
sa mga dayuhang mapanghamig
sa karapatan ng pinoy sa daigdig.
Talagang ang mamamayang Pilipino
ay hanggang alipin nalang sa mundo
sapagkat walang sariling pagkakilanlan
na itinapon na lang sa daan
Nararapat ka pa bang kagiliwan
Lupang Hinirang
o isa ka lamang
Laruan
ng
mga
Dayuhan?