December 13, 2007 | Tula

Paalam, Tatay

Michael Balba

Paalam sa iyo, oh mahal kong tatay,
Sa iyong pagpanaw sa mundong ibabaw.
Masakit man sa ‘min ang iyong paglisan,
Aming tinatanggap, iyong kapalaran.
Sa iyong paglayo, kami ay luhaan,
Ang aming nadama, pawang kalungkutan,
Ikaw ma’y nawala, di kalilimutan,
Kaylanman ang iyong mga kabutihan.
Salamat sa iyo, mahal naming ama,
Magmula pa noon, gabay ka tuwina,
Ikaw man ay hindi na namin makita,
Sa puso at isip laging kapiling ka.
Alam ko na ako, di ulirang anak,
Kaya aking hiling, oh ama’y patawad,
Pangako sa iyo, gagawin pong lahat,
Upang makatulong kay nanay na liyag.
Paalam sa iyo, paalam oh itay,
Salamat sa iyo sa hiram kong buhay,
Dalangin tuwina sa Poong Maykapal,
Sa piling N’ya ika’y payapang manahan.

4 comments
Leave a comment »

  1. estrel Dec 15, 2007 9:48 am :

    ganda..nakakatouch!^_^

  2. sheena Jan 11, 2008 11:10 pm :

    …sa kabilang buhay Syay naghihintay…
    pag nakita muli ng ama ang anak,sigla at saya ang nadarama!

  3. lupangtala Mar 5, 2008 2:48 pm :

    talagang ang buhay ay ganyan talaga
    malungkot, mapanglaw ngunit may pag-asa
    sa likod ng hirap na sa puso’y dusa
    habang tumatagal lulugod ang saya

  4. jun celda May 27, 2008 8:02 am :

    Sa pangamba bumubukal ang pag-asa
    Sa pag-asang may pangamba nadadalisay ang pag-ibig

    Ito ay para sa iyo Lupangtala

Leave Comment