Munti nating adhikai’y nagmula sa kapatagan,
pinapangarap na sana ito’y ating makamtan;
paa’y ihakbang patungo sa napipintong katayugan,
dito sa hugis tatsulok kung tawagin ay kabundukan.

II

Lahat ng nabubuhay na nilalang dito’y ating matatagpuan,
gaya ng haring ibong malayang nakakapaglayag sa kawalan;
punong matatayog at nagmamatyag sa kagubatan,
maririkit na bulaklak na nahihimbing sa gitna ng kasukalan.

III

Malamyos na hanging dumadampi sa ating balat,
hamog kung ito’y tawaging nagmumula sa munting alapaap;
haring araw ay sumibol tunay niyang init ay nag-aalab,
dama agad ang pagmamahal niyang kailanma’y di mo sadyang pinangarap.

IV

Tayong mga nilalang na nilikha Niyang ganap,
na tagapagsilbing gabay at nanatiling nangangarap;
mga gahama’t salaulang nilalang sana’y huwag nang lumaganap
dito sa kulturang nagtatagis ngayo’y sa atin nagaganap;
halina’t protektahan at paninindiga’y palawakin,
nang sa gayon, ating sariling adhikai’y mapanatiling matatag!

No related posts.

No related posts.

Pinagtagpo ang ating mga landas
Umibig tayo na parang wala nang bukas
Itinali ng hangin ang ating mga puso
Tila walang makapaghihiwalay kahit tukso

Isinabay natin sa huni ng mga ibon
Ang tawanan natin sa maraming pagkakataon
Pinagsaluhan natin ang malulungkot na sandali
Tanging araw’t buwan ang saksi sa ‘ting pighati

Panandalian nating nilimot ang isa’t isa
Mga puso nati’y nawalan ng ligaya
Ang direksyon ng ating mga daan ay nag-iba
Hanggang naisipan nating magparaya

Sa iyong nalalapit na pagbabalik
Puso ko ay sobrang sabik
Mga alaalang muli nating pagtatagpuin
Para mabuo ulit ang pag-iibigang naangkin

Dumating ang araw, at tayo’y nagkita
Isang pagkakataong pambihira
Sa pagtatagpong ‘yon, ako’y may namalayan
Kasama mo pala ang isa kong kaibigan

Nakakabinging katahimikan ang nanaig
Tila tayong dalawa lang ang nasa daigdig
Relasyon n’yong dalawa ay ipinagtapat
Isang nakahihimatay na pagsisiwalat

Ang aking kaibigan ay lumapit
Pagpapaumanhin ang isinambit
Luha ko’y nag-uunahang pumatak
Dahil sa mga narinig na masaklap

Isipan ko’y halo-halo ang pasya
Ipaglalaban ba, o magparaya?
Hindi ko alam kung ano ang gagawin
Kaya sinabi ko na lang, “Una siyang naging akin!”

No related posts.

sa pagdala nitong hirap

dahil kuhang walang hirap

ang pagod ng naghirap.

No related posts.

Ang mundo kong ito’y inuusal-usal
ng nananalangin;
Dito ang diwa ko ay isang pag-asa
na hatid ng hangin.
Ito ri’y malayo sa kapangyarihang
nanasang guluhin,
Ang bulong ng pangarap ko at tinig
ng pagal kong damdamin.

Isang paumanhin ang sana’y sumapit
sa ‘king naulila,
Kung ako ay hindi nakapagpaalam
at yumaong kusa.
Buhay nati’y ganyan nangagpapalaot
sa daang-hiwaga,
Sa mundong tahanan ng mga pangarap
at hanging ulila.

Ang pahingahan ko’y sagana sa lilim
ng asul na ulap,
Na pumapalaot doon sa ligalig
ng itim na dagat.
Puso ko’y palaging taghoy ng kudyapi
ang inaapuhap,
Sa aking sariling pinatatahimik
nitong piping galak.

Mulang pagkabata, ang aking pangarap
sumabay sa hangin,
Tumakbo sa ulap, na kasa-kasama’y
anghel at kerubin.
Salamat at ngayon ay aking nasapit
ang mga pampangin,
Na dagat-dagatan ng mga litanya’t
hamak kong tulain.

Kung diyan sa atin ang aking libinga’y
baon na sa limot,
Wala nang dumalaw na kamag-anakan
sa ulilang puntod.
Abo ko’y bayaang anurin ng tubig
at nawa’y malunod
Kasama ng aking mga alaalang
daglia’y ianod.

Kung di na makita sa mga sulatin
ang aking pangalan,
Iyan ay sa aking isang bahaging
walang kahalagahan.
Mabuti pang ako ay pakatangayin
ng Hanging Amihan
Sa bago kong mundo, na dinig ang awit
ng katahimikan.

Ako’y isang tinig, sa pagka-ulila’y
napadpad sa ilang
Na walang kasuyo ni mga karamay
o isang tahanan.
Dito ko nakita ang s’yang tanging lunas
sa kapighatian,
Ang kapayapaan nitong aking puso’t
pagal kong isipan.

Related posts:

1. Ang Pluma ay Aking Dugo
2. Ugat
3. Tagalog

*ZTE-NBN

— Ed Maranan, Pebrero 14, 2008

Related posts:

1. UP Faculty Demand Resignation of Romulo Neri as CHEd Chair
2. Pagtatapos ng NBN-ZTE Hearing sa Senado: Mga Tanong na Ayaw Nilang Marinig ang Sagot

Katulad ay bituin, ang iyong luningning
Araw ang kapara ang liwanag mo mandin
Bulalakaw na gumuhit sa panginorin
Eksaktong lumitaw ng baya’y nasa dilim.
Liryong bumukadkad sa gitna nga ng parang
Tubo sa gitna ng malawak na dawagan
Upang ipakita ang timyas ng paglaban
Nitong aking inaapi na Inang Bayan!
Ay! Sino baga sa iyo’y makalilimot?
Yaman ka ng dukhang dalita’y di matapos…
Nangunang taliba nitong bayang hikahos,
Ama sa pakikibaka kontra-balakyot!
Bagaman pumanaw na’t kayo ay lumisan–
Alaala ninyo ay amin ngang huwaran
Yaman namin ang salita ng katuwiran
Namutawi sa bibig habang nabubuhay
Ito ang gabay namin, hanggang sa tagumpay!

No related posts.

pula ang kasagutan
pula ang magtatakda
pula ang maninindigan
pula ang siyang dakila

No related posts.

secretary,
`di ko alam kung saang lupalop mo nahagilap
(ngunit batid ko na may ibinubulong ang palasyo)
ang dahilan sa desisyon mong nagpapanggap
na ika’y tama at sila’y mali.
mali ba’ng maghanap ng hustisya?
mali ba’ng ipagtanggol ang tama?
tama ba silang pumatay ng mga inosente?
tama ba silang pumatay ng marami?
naririnig mo ba ang mga alulong ng pagngingitngit?
ng mga namumuhi sa tulad mong nabibingi
ng mga paang sabik na tadyakan ka
ng mga kamay nagnanais na sakalin ka
ng mga kaluluwang gusto kang sunduin
naririnig mo ba?

secretary,
kung sakaling kami kaya ang maghatol ng hustisya?
matatanggap mo kaya?
`pagkat dito sa bayan kong kawawa
`di uso ang pantay na hustisya.
dahil monopolyado ito ng mga elitista,
at lumalangoy sa dagat ng pera.
silang manhid sa hinaing ng madla
silang tuta ng kapital at kita
silang sumusipsip sa lakas ng iba
silang buwitreng sanay sa pananamantala
`tanto mo ba?

secretary,
sana’y nakatutulog ka sa gabi.

*kay sec. agra, at sa kaniyang desisyong nakapangingitngit ng laman.

No related posts.

Higit ko pang nais na padapuin sa tainga
ang pagkokak ng mga palaka,
ang pagkahol ng mga aso,
ang pagngiyaw ng mga pusa.
Di ko man alam ang kanilang wika,
tiyak kong sila’y may sinasabi.

No related posts.