Layon ng pag-aaral na tuklasin kung may kinalaman ang oras sa kahusayang pang-akademiko ng mga mag-aaral at kung paano ito nakakaapekto sa pag-aaral ng mga mag-aaral at pagtuturo ng mga propesor.

Nagsagawa ang mga mananaliksik ng isang sarbey at panayam sa mga mag-aaral sa unang taon sa Kolehiyo ng Narsing sa Unibersidad ng Santo Tomas upang malaman kung sila ay may ideya sa konsepto ng time management.

Napag-alaman ng mga mananaliksik na may kaugnayan ang oras sa pagkatuto ng mga mag-aaral at pagtuturo ng mga propesor. Nagagamit ng karamihan sa mga mag-aaral ang time management upang mas mapadali ang kanilang pag-aaral at mabawasan ang sobrang pagkahapo.

Inirekomenda ng mga mananaliksik na gamitin ng mga kapwa mag-aaral ang time management upang mabigyang prayoridad ang mga dapat gawin at tapusin kaagad.

I-download

No related posts.

Layon ng pag-aaral malaman ang damdamin, pananaw at kaalaman tungkol sa pamumuhay at kahirapan ng anim na pamilyang Pilipinong naninirahan sa tabi ng riles ng tren.

Kinapanayam ng mga mananaliksik ang ang anim na piling pamilyang na kasalukuyang naninirahan sa tabi ng riles sa Dapitan, Maynila.

Napag-alaman ng mga mananaliksik na alam ng mga respondent ang lagay ng kahirapan sa Pilipinas, ang mga problema at mga karampatang solusyon dito; masaya at hindi nababahala sa mga darating na demolisyon; mayroon silang maayos na trabaho at sapat ang kinikita; at sapat lang ang ginagawa ng gobyerno hinggil sa kahirapan sa lugar nila.

Kabilang sa mga rekomendasyon ng mga mananaliksik ang pagbibigay-pansin ng pamahalaan sa mga hinain at damdamin sa mga pamilyang nasama sa relokasyon at demolisyon at maglaan ng hanapbuhay para sa kanila at ang pagpapatuloy ng iba pang mga guro at mag-aaral ng pagsasagawa ng mga pag-aaaral para magsilbi itong “pangmulat ng mata sa mga taong hindi napapansin ang kahirapan ng bansa.”

I-download

No related posts.