Noel Sales Barcelona
“Kakaiba ang hapong iyon dahil sa isang kotseng pulang nakaparada malapit sa may seawall. Amerikano sa tingin ko ang nakikipag-usap kay Ineng–ang dalagitang nakagiliwan ko nang bilhan ng sampagita.”
Jose Arianne B. Gonzales
Habang naglalaba si Nanay sa harap ng bahay naming nalilimliman ng matayog na puno ng balete, ako naman ay umupo sa ilalim ng puno. Napansin ko na may nakaukit na pangalang Omag sa katawan ng puno.”
Chuckberry J. Pascual
“Puro mura ang lumabas sa bibig ko, Padre. Tinadtad ko ng mura ang paborito kong host, pinaulanan ko ng sumpa ang matangkad na babaeng maputi na kunwari ay nanginginig pa ang boses sa pagsasabing mahal nila kami, na mahal niya ako. Na ako pa rin ang bida sa palabas nila. Kung kami talaga ang mga bida, kaming mga naghirap para makapasok sa loob ng pagdarausan ng palabas, lalo na ako, dahil ako ang pumatay sa may kasalanan para lamang matuloy ang palabas, susundin nila ang gusto namin. Ang gusto ko.”
Dennis Andrew S Aguinaldo
“Three college girls who did not know each other dreamt three dreams in three consecutive nights. The dream came after each girl in her own turn learned of Ka Fort’s death at the fiery hands of Nestlé. They heard of her in three different languages.”
Jerome Co
“At sa presinto singko, kalaboso ang inabot ng mag-ama dahil sa panggagahasa sa isang anim na anyos na nene. Ang mag-ama ay tatay at lolo ng musmos.”
Jedi B. Directo
“Kabisado ko na ang bayan nang nakapikit–sa bawat ikot ng pedal, tantsa ko na kung kailan dapat lumiko o huminto. Hindi ko ito gagawin ngayon–kahit kailan. Mahirap na kasi–baka mabangga.”
Geronimo F. Cristobal Jr.
“Hindi ko maiwasang sariwain ang sariling karanasan sa pagiging aktibista noong bata-bata pa…. Ayaw ko nang balikan pa ang mga araw, ngunit narito ang anak kong nagpapaalala sa matatamis at mapapait na karanasan.”
Chuckberry J. Pascual
“Pagkatapos ilapag ang maliit na kaha de yero sa mesa, biglang napagtanto ni Jess: si Tonton ang salitang naging laman. Mga kuwento tungkol sa kanya ang binabasa sa klase. Ang buhay ng mga katulad niya, ang mga paghihirap, pagkaapi at pagtatagumpay nila ang dapat pag-ukulan ng tinta at papel para mabasa ng lahat. Dahil, ano nga ba ang sinabi ng guro niyang sinabi raw ng isang dakilang Tsino? Para kanino pa ba ang pagsusulat, kundi para sa mga tulad ni Tonton.”
