Gaano kasakit bumitaw sa isang bagay na itinuring mo nang buhay mo? Bagay, lugar, mga tao, na itinuring mo nang pamilya at tahanan? Sa isang iglap lang, naglaho ang lahat. Hanggang sa gusto mo nang kumawala sa mundong nagbibigay sa iyo ng kasiyahan at buhay.

Nakakalungkot, pero may mga bagay na dapat iwan upang hindi ka masaktan. Na tanging pagtakas o paglayo lamang ang tanging solusyon.

Mahirap. Hindi. Napakahirap!

Gusto mo mang sisihin ang mundong iyon dahil sa kabila ng pagpapahalaga at pagmamahal ay nagawa kang isantabi at ituring na walang kwenta. Gusto mo mang isumbat lahat ng tulong at paghihirap na ibinigay at dinanas mo upang mapabuti lamang ang mundong iyon pero hindi mo magawa! Dahil halos ayaw mo nang tumapak pa at masulyapan ang dating buhay na iyon. At kasama sa paglimot ang mga taong naging malapit sa iyong puso.

Napakasakit tumalikod ngunit kailangan. Bago pa mawala ang lahat ng paggalang at pagmamahal sa mundong iyon…