Lumagapak – pahaginit
sa bintana-
gumulong ang basag na holen
sa bumbunan ng gunita.
Dagling sulyap
sa salamin
ng antigong tokador– Wala!
Salamat
walang galos ni gatla.
Dinig sa likuran -
sa pumipintig na batok -
ang sentido ng kamusmusan.
Pitik sa goma ng tirador
ng mga batang sinisipat
bawat sanga. Paraiso
sa kanila ang malawak na tumana.
Masarap maging bata–
masarap
Manatiling bata.
Si Oliver ay kasapi ng Dekada80 Movement (UE Chapter), isang organisasyon ng mga aktibista ng Dekada 80 na naglalayong kabigin at muling ipaloob sa Pambansa Demokratikong pakikibaka ang mga dating aktibista nuong Dekada 80. Bagaman malayo, bilang OFW, gusto niyang isama, kahit sa pamamagitan man lang ng kanyang mga akda, ang sariling tinig sa tinig ng sambayanang humihingi ng pagbabago sa lipunan.
i love the poem! omg!
hi meg,
thanks for the comment. hope to see some of your works too. God bless.